Унія — ў душы рунеюць зоры...

Сярэдняя: 5 (1 голас)

Унія — ў душы рунеюць зоры.
Стала блізка захаду і ўсходу.
Тчэцца дзень
З асвечанай пакоры.
Слова славіць боскую лагоду.

Унія яднае і гуртуе,
Ачужэлых
Робіць зноў братамі.
Верай у Тварца душу гартуе.
Да святога алтара вяртае.

I зямля крывіцкая звыкае
Бачыць прыхадняў,
Як сны благія.
I трывацьме Вунія вякамі,
Як трывае ў Полацку Сафія...